1 | |
HStAOrient5a: 79r īṣāl ėder. Eger saqīm olursa saqāmet sirāyet ėtdürür. // ʿAlī bin Mūsā Rıżā rażiya llāhu ʿanhū Meʾmūn ḫalīfeye // irsāl ėtdügi faṣluñ mażmūnı bu idi ki ẕikr olınur: // Ḫudā‑i müteʿāl ve āferīnde bī‑mis̱āl vücūd‑i insānı // bir pādişāh‑i bā‑mülk ü māl mis̱ālinde qıldı. Mes̱elā dil pādişāh- // dur ki: Al‑qalbu amīru l‑ǧasad. Ve eṭrāf‑i ten vilāyet ve memālik // ve ʿurūq ġulāmlardur ki eṭrāf‑i memālike perīşān qılub // her biri bir ḫidmetde nigehbāndur. Ve eller aʿvān u enṣārdur // ki menāfiʿi ve murādātı celb ėdüb mażārrı ve menāfiri // menʿ u defʿ ėderler. Ve pāyları merkeblerdür ki dėdükleri // menzile güẕer ėderler. Ve gözleri çerāġlarıdur [ki] istedüklerine anuñla // naẓar ėderler. Ve gūşları ṣāḥib‑i ḫaberleridür ki ėlçilik ve cā‑ // sūslıq ėderler. Zebānları tercümānlarıdur. Ve ġamm u şādī // ʿaẕāb ve s̱evāblarıdur. Maḥall‑i ġamm ṭıḥāl yaʿnī ṭalaqdur. Ve maḥall‑i // şādī gülbeteyn yaʿnī bögreklerdür. Baʿdehū ṭıḥāl ile // gülbeteynden bir ṭamar vardur ki rūy‑i insāna peyvestedür. // Naẓm: [hezec ‑ ‑ v / v – v ‑ / v ‑ ‑[ Surḫ olsa eger nişān‑i şādī Zerd olsa nişān‑i // ḥüzn ü endūh Ve miʿde anuñ kişt‑zārıdur andan ḥāṣıl // olan ġalleden erzāq ʿummāl ü raʿīyete vāṣıl olur. |